Prestgard eplesider

Garden vår vert kalla for “Prestgarden,” derfor kallar vi eplesideren vår Prestgard. Prestgard er ein økologisk eplesider laga av eplesorten Discovery.

Sideren er musserande, tørr, syrleg og frisk, med ein klar eplesmak. For å lage “Prestgard” set vi nypressa, upasteurisert eplemost på ein tank, så får han stå og putre og godgjere seg gjennom hauseten og vinteren . Gjæringa kjem raskt igang og villgjæren gjer most om til sider. Sideren vår er derfor spontangjæra. Villgjæren er den naturlege gjæren som finnast på epleskallet, men den kan også vere i låven der sideren blir laga.