På Skarbø Gard byggjer Kristine og Carlos på lange tradisjonar og solid handverk for å skape uforgløymelege smaksopplevingar.

Kristine er åttande generasjon på garden på Stranda, og Carlos har med seg kunnskap og arv frå Andalucía i Spania. Saman med generasjonen over og under, driv vi berekraftig og heilskapleg med både dyr og planter. Frukt var viktig på garden i førre hundreåret, og no plantar vi på nytt ut bøane nærast fjorden med eple.

Skarbø er også heim for 20 kyr, og av den ferske mjølka lagar vi handverksost som passar ypparleg til sideren.

Besøkande på garden får gjerne servert tapas av eigen ost og andre lokale matskattar, saman med leskande sider og most. Sideren vår er eit naturprodukt, laga utan sulfittar og med spontangjæring. Vi er glad i mangfald, og nyttar fersk frukt frå mange gamle eplesortar. Slik får vi ein unik sider som speglar naturen og landskapet som omsluttar oss.

Vi gler oss til å halde fram med å lage unike produkt av høg kvalitet, og dele dei med deg!