Lingebakken er ein fruktgard i grenda Linge, som ligg langs Storfjorden på indre Sunnmøre. Pga dei gode klimatilhøva er det ein sterk tradisjon for fruktdyrking akkurat her, og denne tradisjonen fører Elida og Peje vidare i dagens drift. Elida er sjette generasjon på Lingebakken, og Peje er ein siderinteressert Stockholmar med nase for god kvalitet og smak. Vi dyrkar moreller, surkirsebær, plommer, eple og pærer. Lingebakken er ein sørvendt og bratt gard, men det gjer også at frukta får rikeleg med sollys. Det er faktisk såpass lunt her, at det ofte er på Linge dei første frukttrea i landet blomstrar om våren.